20 лютага 2025 г. у Музеі абароны Брэсцкай крэпасці адбылося адкрыццё выстаў “Крывёю сэрца” і “Гісторыя ў фатаграфіях”, прымеркаваных да Міжнароднага дня роднай мовы (21 лютага) і Дня абаронцаў Айчыны і Узброеных Сіл Рэспублікі Беларусь (23 лютага).
З літаратурна-дакументальнай выставай “Крывёю сэрца”, прысвечанай лёсам беларускіх пісьменнікаў – удзельнікаў Вялікай Айчыннай вайны, пазнаёміла старшы навуковы супрацоўнік Дзяржаўнага музея гісторыі беларускай літаратуры Ганна Валер’еўна Кляноўская.
Прыкладам актыўнага супрацоўніцтва з музейнымі ўстановамі Расійскай Федэрацыі з’яўляецца фотавыстава “Гісторыя ў фатаграфіях” з фондаў БУК Арлоўскай вобласці “Арлоўскі краязнаўчы музей”, РФ.
Аўтарам прадстаўленых фотаздымкаў з’яўляецца знакаміты савецкі фотажурналіст Анатоль Паўлавіч Марозаў – удзельнік Вялікай Айчыннай вайны. Першым засняў галоўную падзею апошняга дня вайны – пераможцы, аставіўшы надпісы на сценах рэйхстага, узнялі над ім сцяг. Пазней ваенны фотажурналіст прысутнічаў пры падпісанні Акта аб безумоўнай капітуляцыі Германіі і на Нюрнбергскім судовым працэсе над гітлераўскімі ваеннымі злачынцамі.
У мерапрыемстве прымалі ўдзел: старшыня Брэсцкага абласнога аддзялення ГА «Саюз пісьменнікаў Беларусі» Т.А.Дземідовіч, член Саюза пісьменнікаў Беларусі В.М.Вакула, вядучы бібліятэкар аддзела абанементу Брэсцкай абласной бібліятэкі імя М.Горкага Н.А.Равенка, удзельнікі конкурсу чытальнікаў ваеннай паэзіі “Пра герояў былых часоў” 2024 года: настаўнік СШ № 19 г.Брэста імя Героя Савецкага Саюза С.І.Сікорскага” В.Р.Керазь і вучань СШ № 31 г.Брэста М.Шаш, а таксама навучэнцы ваенна-патрыятычных класаў “Сокал” г.Брэста.
Выставы будуць экспанавацца на 1 паверсе Музея абароны Брэсцкай крэпасці ў перыяд з 20 лютага па 11 красавіка 2025 г.
